Шара мақсаттары: Балалардың еліміздің рәміздері туралы білімдерін толықтырып білімдерін арттыру, оқушылардың өз еліне деген сүйіспеншілігін, құрметін арттыру, патриотизмге тәрбилеу, Қазақстанның заңына құрметпен қарап, оны орындауға тәрбилеу.

Сұрақ-жауап ойынына қатысушылар екі топқа бөлініп, әр топқа мемлекеттік рәміздер туралы білімдерін тексеруге 10 сұрақтан берілді. Ойын соңында әділ-қазылар алқасы қорытынды жасағанша, жүргізуші балаларға әр елде елтаңбаның ел тарихын, мәдениетін, өмірін белгілейтіні туралы әңгімелеп берді. Осы әңгімеде «Астана-Бәйтерек» монументі, Алтын адам, барыс туралы ақпарат берілді. Жеңген топ сыйлықтармен марапталды.

Әдебиет сағаты «Алашорда» партиясының құрылу тарихымен, оның негізін қалаушылар, партияның құрамы туралы әңгімемен басталды. Сонымен қатар, тәуелсіз Қазақстанның тарихындағы Алашордашылардың рөлі туралы айтылды. Оқушылар үш топқа бөлініп, «Қазақстанның патриоттары» атты сайысқа қатысты. Олар Қазақстан тарихы мен әдебиеті туралы сұрақтарға жауап берәп, сайыстың аяғында ең белсенді оқушылар өлеңдер оқып, ән салды. «Алаштың қозғалысы» тақырыбымен ұйымдастырылған ашық көрмеге қойылған әдебиеттерге оқушылар аса қызығушылықпен қарап, танысты.

Кештің ашылуы Александр Кузнецовтың «Семипалатинск» атты өлеңімен басталып, мәдени іс-шара барысында кітапхана қызметкері қазіргі Семей Еуразияның географиялық ортасында орналасқан Қазақстанның ірі және әдемі қалаларының бірі. 1718 жылы құрылған Семей өзінің 295 жылдығын қарсалуда. Семейдің тарихы көп қырлы, байлығы мол екендігіне тоқталып, қаламыздың даму тарихы туралы мағлұмат берді.

Мәдени іс-шараның соңында оқырмандарға сұрақ-жауап викторинасы ұйымдастырылып, «Туған өлкем – мақтанышым» атты кітап көрмесіне шолу жасалды. Көрмеге жергілікті өлкетанушы В.Н.Кашляктың «Храмы Семипалатинска: прошлое и настоящее», «Семипалатинск. Три века истории» және энциклопедиялық-анықтамалық басылым «Свод архитектурных памятников» атты т.б. кітаптары қойылды.

Біз күнделікті өмірде міндетті түрде экономика заңымен қақтығысамыз. Сондықтан да экономикалық білім өмірімізді қызықты және қисынды қылып орналастыруымызға көмектеседі. Ой-өрісін дамыту ойыны барысында: банк, жарнама, валюта, құнсыздану т.б. ұғымдар туралы түсініктер талқыланды. Оқушылармен «Экономикалық мақал-мәтелдер», «Ортақ терминдерді қос», «Әзіл жұмбақтар» атты конкурстар өткізілді. Бұл ойындарда балалар өздерінің тапқырлықтарын, зеректіліктерін, білімдарлықтарын көрсете білді.