Мақсаты: студенттердің ҚР үкіметінің сыртқы саясаты туралы білімдерін толықтырып, өз көзқарастарын дамытуды қалыптастыру.

Мәдени шарада кітапхана қызметкері Қазақстанның басты сыртқы саяси басымдықтары туралы мағлұмат берді. Қатысқан студенттер екі топқа бөлініп - еліміздің сыртқы саясаты, сыртқы экономикалық байланыстар, Қазақстанның халықаралық қатынастары, өңірлік және жаһандық қауіпсіздік, азаматтарымыздың құқықтары мен мүдделерін қорғау, шетелдік инвестицияларды тарту, халықаралық және екіжақты ынтымақтастықты нығайту жөнінде пікірталасты.

Тәуелсіздік алғаннан бері Қазақстан үлкен ұлы жолдардан өткендігі жайында айтылды. Қазақстанның сыртқы саясатының негізінде тарихи және геосаяси дәстүрлер жатыр. Қазақстан экономикалық басымдықтар мен стратегиялық іс-әрекеттерді, интеграциялық және аймақтық даму үрдістерін мақсатқа сәйкес бұрынғы кеңестік елдермен бірлесе отырып нығайтуда. Бұған айғақ «Бүгінгі күнгі басты бағыт-бағдар Қазақстан халқы үшін интеграциялық идея мен теңдестірілген ынтымақтастық», - деп Елбасымыздың тұжырымдауы.

Осы шараға арнайы дайындалған «Қазақстан Республикасының шетелдермен қарым-қатынасы» атты кітап көрмесіндегі әдебиеттер мен еліміздің экономикасы мен саясатынан сыр шертетін мақалалар топтастырылған мерзімді басылымдарға библиографиялық шолу өткізілді.

Мақсаты: өскелең ұрпаққа Тәуелсіз Қазақстан Республикасының өткені мен болашағы, даму тарихы туралы мағлұмат бере отырып, келешекке сеніммен қарауға елжандылыққа, ұлтын сүюге, қастерлеуге үйрету, қазақ елінің тарихи кезеңдерінен мағлұмат беру. Оқушылардың бойына адамгершілік, ізгілік, имандылық қасиеттерін сіңіру, батырлыққа, Отанға деген сүйіспеншілік, туған жерді, елді қорғай білетін патриот бола білуге тәрбиелеу.

Тарихи сағат барысында оқушыларға 1986 жылғы желтоқсан оқиғасы туралы мәліметтер беріліп, мемлекет тәуелсіздігінің қалыптасу кезеңдері туралы сұрақтардан құралған «Сен еліңнің тарихын білесің бе?» атты блиц-турнир электронды тұсаукесер көрсету арқылы өткізілді. Даулетқазинов Бекнұр, Айтқазин Думан, Әнуарбекова Айым, Орынбеков Бекжан және т.б. оқушылар шараға белсене қатысты.

Шара соңында «Менің Отаным – Тәуелсіз Қазақстан» атты кітап көрмесіне библиографиялық шолу жасалды.

Мақсаты: оқушыларға 1986 жылғы көтерлістің болуы, жастардың көтерліске шығу себептері, олардың алдына қойған мақсаты жайлы түсінік беру, Қ.Рысқұлбеков, Л.Асанова, С. Мұхаметжанова, Е.Сыпатаевтың өмір жолдарымен таныстыру және артында қалған мұраларын қастерлеп, халық батырларының рухына тағзым ету, халқын, ұлтын сүйе біліп, елін қорғай білуге тәрбиелеу, өз елінің тілін, салт-дәстүрін, тарихын біле отырып патриоттық рухта тәрбиелеу.

Іс-шара ҚР мемлекеттік әнұранымен басталды. Кешті жүргізушілер Желтоқсан көтерілісінің басталу себептері мен құрбандары жайлы айтып берді. №35 орта мектептің оқушылары Аманғалиева Аружан мен Жарқын Айдананың орындауында «Қазақ елі осындай» әні көпшіліктің көңілінен шықты.

Белгібаева Мадина «Тәуелсіздік таңым» атты арнауын оқыды, Күзембаева Мадина Қалқаман Сариннің «Тәуелсіздік» өлеңін мәнерлеп оқыды.

«Елімнің бақытын тербеткен Тәуелсіздік» атты электронды тұсаукесер көрсетілді. Әбиірбек Тінәлиевтің «Желтоқсан желі» өлеңі бойынша бейнеролик оқушылар назарына ұсынылды.

Кеш «Желтоқсан тәуелсіздіктің ұлы рухы» атты көрмеге библиографиялық шолумен аяқталды.

Шараның мақсаты: оқырмандардың Қазақстанның дербес мемлекет ретінде қол жеткізген жетістіктеріне мақтаныш сезімдерін ояту, туған жерін сүюге тәрбиелеу, патриоттық тәрбие беру.

Қазақстан тәуелсіздігіне 22 жыл толуына орай ұйымдастырылған шара басында кітапхана қызметкері «Тәуелсіздік - елімнің ерлік жолы» атты слайд тұсаукесерін және «Тәуелсіз Қазақстанның тарихи кезеңдері» атты бейнебаян көрсете отырып тәуелсіздік тарихынан қызықты мәліметтер берді.

Шараны М.Төлебаев атындағы Музыкалық училищесінің 3 курс студенттері Ешекеева Ислана мен Мұқанов Есболат жүргізді. Шара барысында «Тәуелсіз Қазақстанның тарихи кезеңдері» атты бейнебаян, «Тәуелсіздік - елімнің ерлік жолы» атты слайд тұсаукесері көрсетілді. Төлеубаева Сымбат, Қалым Ербұлан, Ақылбек Нұрбек, Болысбек Абзал, Ақмет Ержанат, Абсалямов Манаттың қатысуымен «Елім менің» атты әдеби-композиция оқылып, онда жасампаз жылдарымыздың жетістігі жаңғыртылды.

Осы училищенің студенттері Хасиханұлы Нұрлан, Ақмет Ержанат, Советқазиев Бейсен, Каджимуратов Әділет «Туған жер», «Үш қоңыр», «Елім менің» атты патриоттық әндермен шараны көркемдеп отырды. Омарбекова Альмира «Шашу» атты қазақ биін мың бұрала биледі. Азатқызы Айжан мен Хасиханұлы Нұрлан «Тәуелсіздік күні» атты көркем сөз оқыды.

Осы шараға арнайы ұйымдастырылған «Тәуелсіздік - елімнің ерлік жолы» атты кітап көрмесіне кітапхана қызметкері библиографиялық шолу жасады.