Централизованная библиотечная система города Семей

Шара басында кітапханашы қатысушыларды Балалар кітабы мерекесімен құттықтап, XIX ғасырда жұртшылық балалар кітабының қажеттілігін мойындағанын және осы сәттен бастап, балалар әдебиетінің көркейуі басталғанын әңгімеледі. Балалар әдебиетінің ересектерге де өте ұнайтынын, оның қиял-ғажайып сиқырлы сөздермен және тамаша әзілдерімен ерекшеленетінін атап өтті.

Бұдан соң кітапханашы француз ертегішісі Шарль Перроның шығармашылығына және оның «Қызыл телпек», «Ұйқыдағы ару», «Кот в сапогах» атты туындыларына тоқталып өтті. Іс-шара барысында слайд түрінде дайындалған көрнекті, танымдық «Ертегілер елі» атты викторина өткізілді. Оқушылар викторина ойынына белсене қатысып, ертегі кейіпкерлерінің бейнелерін жасауда өз білімдерін көрсетті. Мереке балалар әндерінің орындалуымен, сондай-ақ, өздері шығарған кітап, ертегі туралы өлеңдерін оқуымен жалғасты.

Соңында балалардың назарына мемлекеттік және орыс тіліндегі әдебиеттермен безендірілген «Ертегілер әлемінде» атты кітап көрмесі ұсынылды.

Шара кітапхана қызметкерінің: «ХІХ ғасырда қоғам балалардың өз әдебиеті болу керек екенін мойындады, сол мезгілден бастап балалар әдебиетінің көркейуі басталды», - деген ақпараттарымен басталды. Бұдан әрі балалар әдебиетінің үлкендерге де ұнайтын әңгімелеп, әрі оның жанды тілімен, қиял-ғажайып сиқырлы сөздермен ерекшеленетінін тілге тиек етті.

Іс-шара барысында қатысушылардың назарына «Ертегілер елінде» атты танымдық сұрақ-жауап ойыны слайд көрсетілімімен қатар ұсынылды. Оқушылар белсене қатысып, ертегі кейіпкерлерінің бейнесін жасауда білімдерін байқатты.

Шараның жалғасында оқушылардың орындауындағы балалар әндері, кітап, ертегі туралы дайындаған өлең-тақпақтары мерекенің шырайын енгізді. Сондай-ақ, балалар «Шалқан» ертегісі бойынша көрсеткен қойылымдары көпшілік көңілінен шықты.

Шара соңында «Ертегілер әлемінде» атты кітап көрмесіне қойылған әдебиеттерге библиографиялық шолу жасалды.

Шара басында кітапханашы балаларды Кітап мерекесінің тарихымен таныстырды. Бұдан әрі ертегінің сәби шақтан баланың жан-дүниесіне әсер етіп, қиялына қанат беріп, ақыл-ойын жетілдіретінін әңгімеледі. Оқушылар ертегінің әртүрлі жанрда: тұрмыстық, қиял-ғажайып, жануарлар туралы болатыны жайлы мағлұмат алды.

Ертеңгілік бірнеше кезеңдермен жүргізілді. Алғашында балалар оқыған кітаптары бойынша ертегі кейіпкерлерін атады, одан әрі слайд арқылы мультфильм кейіпкерлерін тауып, ертегі бойынша қойылған логикалық сұрақтарға жауап берді. Келесі кезеңдерінде балалар суреттегі ертегі кейіпкерлерін бейнелеп, ертегілер әлемі бойынша сұрақ-жауап ойынына қатысты.

Соңында «Ертегілер әлемінде» атты кітап көрмесіне қойылған балалар әдебиеттеріне библиографиялық шолу жасалды.

Шара барысында кітапханашы жиналғандарды Кітап мерекесімен құттықтап, «Бұл мереке - сиқырлы және таңғажайып оқиғалар әлеміне жақын білімқұмар балалар мен жасөспірімдердің мерекелік думаны», - деп атап өтті. «Кітап ол - ұрпақтан-ұрпаққа беріліп отыратын сенімді құрал, адамзат қоғамының өзіндік шежіресі. Кітап біздерді тек өткенмен таныстырып қоймайды, бүгінімізді түсінуге мүмкіндік береді, болашаққа қанаттандырады», - деген сөздерімен шараны жалғастырып, балалардың назарын кітап көрмесіне аударды. Оқушылардың назарына әлемге көптеген таңғажайып туындыларымен танымал ұлы ертегіші Г.Х.Андерсеннің ертегілері ұсынылды. Сондай-ақ, көрмеге түрлі әлем халықтарының ертегілері және өздеріне бала кездерінен таныс «Үйшік», «Қоянның үйшігі», «Два жадных медвежонка», «Алдар көсе», «Ғажайып бақ», «Жомарт және сараң» т.б. ертегілер қойылды.

Кітапханашы қорытынды сөзінде: «Ертегі кейпкерлері балаларды өзге адамдарға түсіністікпен қарауға, достық қолын созуға, сенімділікке үйретеді. Кейіпкерлердің мінез-құлқын оқып талқылау арқылы балалар өздеріне дұрыс таңдау жасай білуге үйренеді. Егер бала кішкентайынан ертегіні сүйіп оқыса, есейгенде де еш күмәнсіз кітапқа деген қызығушылығы жоғалмайды», - деп балаларды кітап оқуға шақырды.