Өлкетану іс-шаралары
Қалалық орталық кітапханада «Рухани жаңғыру» бағдарламасы аясында 2019 жылғы атаулы күндер тізбесі бойынша «Шежіреге толы туған өлке» атты өлкетану оқулары өтті.
17.02.2019 15:10

Шараға Абайдың тарихи және әдеби-мемориалдық қорық мұражайының қызметкері Қ.Қиықбай., Ж.Шайжүнісов атындағы электронды колледжінің қызметкері А.Зияданова., Семей қаржы-экономикалық колледжінің кітапхана қызметкері Ж. Мансарина, Қазақ инновациялық гуманитарлық-заң университетінің студенттері қатысты.

19 20 21

Шара басында ақпараттық-библиографиялық бөлімнің меңгерушісі М.Маханбетова «Рухани жаңғыру» бағдарламасында қойылған міндеттер аясында өлкетану жұмысы ОКЖ кітапханалары қызметінің маңызды бағыттарының бірі болып табылатынын атап өтіп, ұлттық салт-дәстүрлер, тіл, өнер және әдебиет сияқты құндылықтар сақталуға, ұрпақтан-ұрпаққа қалуға тиіс», - деп кіріспе сөзбен ашып, одан ары өлкетану тақырыбына тоқталып, биылғы атаулы күндерге қысқаша шолу жасады.

Өлкетану оқуларында тыңдаушыларының назарына жазушы, драматург, аудармашы, зерттеуші, публицист, қоғам қайраткері Жүсіпбек Аймауытовтың Семеймен тығыз байланысты шығармашылығы туралы Абайдың тарихи және әдеби-мемориалдық қорық мұражайының қызметкері Қ.Қиықбайдың баяндамасы шараға қатысушылардың қызығушылығын туғызды. Қатысушылар музей материалдарынан көп пайдалы ақпарат алды.

Ж.Шайжүнісов атындағы электронды колледждің қызметкері А. Зияданова Қазақ КСР-інің Еңбек сіңірген мұғалімі, Социалистік Еңбек Ері, КСРО және Қазақ КСР Халық ағарту ісінің үздігі Жақия Шайжүнісұлы Шайжүнісовтің өмірі мен басшылық қызметтерін атқару жолындағы қиын да қызықты еңбек жолы туралы баяндап берді.

Келесі сөз кезегін алған шара қонағы Ж. Мансарина Кеңес Одағының Батыры Әйткеш Ибраев туралы айта келе, көптеген жылдар бойы Семей батыры туралы мәліметтерді жинақтаған жазушы Шаймардан Қалиақпаровтың «Курск шайқасының батыры» атты кітабына тоқталып өтті.

Сонымен қатар библиограф М.Ахметкалиева Абай ауданының тумасы, қазақтың тұңғыш скрипкашысы, Қазақстандағы тұңғыш скрипкалық мектебінің негізін қалаушыларының бірі Әйткеш Толғанбаевтың өмірі мен шығармашылығы туралы баяндап берсе, ал ақпараттық-библиографиялық бөлім қызметкері Б.Ержанова музыкатанушы-этнограф, белгілі қазақ фольклорын жинаушы, композитор, Қазақ АССР Халық әртісі, Қазақстанның кәсіби композиторлық мектебінің қалыптасуына еңбегін сіңірген Александр Затаевич туралы ақпаратпен бөлісті.

Баяндамалар слайд көрсетілімі және бейне материалдармен жалғасып отырды.

«Семей шежіресі сыр шертеді» атты тақырыптық көрмеде ұсынылған түрлі ақпараттық-библиографиялық өнімдерге шолу жасалды.

 
№6 кітапхана-бөлімшесінде №8 орта мектептің мектепішілік «Жас қыран» жазғы лагерінің демалушыларына М.Әуезовтың туғанына 120 жыл толуына арналған «Әуезовтың шығармашылық мұрасы» атты әдеби сағат өткізілді.
23.06.2017 15:38

Мақсаты: М.Әуезовтың өмірі және шығармашылығымен таныстыру, «Еңлік -Кебек» пьесасының тақырыбы мен идеясын ашу, жастарды көркем әдебиетті сүюге тәрбиелеу. 


11 10

 

Шара барысында кітапханашы үстіміздегі жылы қазақтың ұлы жазушысы М.Әуезовтің туғанына 120 жыл, «Еңлік -Кебек» пьесасына 100 жыл толатын атап өтті.

Бұдан әрі М. Әуезовтің өмірі мен шығармашылығы туралы ақпарат берді. Оқушыларды «Еңлік-Кебек» пьесаның жазылу тарихымен, туындының қысқаша мазмұнымен, кейіпкерлерімен таныстырып өтті. Одан әрі жазушының «Еңлік-Кебек» пьесасын тарихта болған оқиға негізінде жазғандығын және «Еңлік-Кебек» Мұхтардың туып өскен жерінде ХVІІІ ғасырдың соңғы кезінде болған тарихи шындық екенін, пьеса күні бүгінге дейін танымалдығымен сахнадан түспей келе жатқан дүние екенін баяндап, «Еңлік-Кебек» трагедиясынан үзінді көрсетті.

Шараның жалғасында оқушылар «Еңлік-Кебек» ескерткіші туралы ақпараттармен таныс болды. Оқырмандар заңғар жазушы туралы ұлы адамдардың жазған пікірлерін оқыды. «Ой қозғау» бөлімінде викториналық сұрақтар қойылып жауаптар тыңдалды.

Соңында «Дәуірдің ұлы, ғасырдың үні» атты кітап көрмесіне қойылған әдебиеттерге библиографиялық шолу жасалды.

 
№12 кітапхана-бөлімшесінің қызметкерлері Аймақтық орталықта жазушы-өлкетанушы, тарихшы Дмитрий Черепановтың 110 жылдығына арналған «Туған өлкесінің әділ шежірешісі» атты іс-шара өткізді.
23.06.2017 14:45

Әдеби сағаттың басында орталық қамқорлығындағылар жазушының өмірбаянымен танысты. Кітапханашы жазушы Д. Ф. Черепановтың өскен ортасы, отбасы жағдайы, ауыл өміріне деген ыждахаттылығы туралы терең әңгімелеп, оның ауылдық өмірден алған сабағы, өзінің болашақта шығармашылықпен айналасуына көп септігін тигізгенін де, атап өтті. Әрі қарай қатысушылардың назарына жазушы-өлкетанушыға арналған әдеби портретті ұсынды.

 

7 8

 

Сондай-ақ, кітапханашы оның шағын әңгімелері «Крестьянсий» журналы және «Прииртышская правда» газетінде жарияланып тұрғанын және 40 жылға жуық еңбек етіп, қатардағы журналистен бастап насихаттау бөлімінің меңгерушісіне дейінгі қызметтерді атқарғанын баяндап берді. Зейнеткерлікке шықса да, баспамен арадағы байланысын үзбеген жазушының ауылдағы өзгерістер, құрылысшылардың жетістігі, кен рудасы өнеркәсібінің дамуы, жол құрылысы жайлы мақалалары газет беттерінде жарық көріп тұрды.

Бұдан әрі тыңдармандар назарына жазушының шығармалары ұсынылды. Дмитрий Черепановтың шығармаларындағы басты тақырып-Ертіс өңіріндегі революциялық оқиғалар, жастарды ерлік дәстүрлеріне тәрбиелеу және табиғатты сақтау үшін күреске арналғанын жеткізді. Жазушы өмірінің соңына дейін өз өлкесіне, оның керемет тарихына адал болды. Шара қызықты әрі белсенді өтті. Ардагерлер жазушының шығармашылығына қызығушылық танытты. Сұрақтар қойылып, жазушының шығармаларынан үзінділер оқылды.

 
№12 кітапхана-бөлімшесінде кітапхананың тұрақты оқырмандарының қатысуымен М.Ибраевтың 75 жылдығына арналған «Ақын, прозашы, драматург» атты әдеби портрет өткізілді.
23.06.2017 14:33

Мақсаты: ақын, прозашы, драматург Мерғали Ибраевтың өмірі мен шығармашылығына деген оқырмандардың қызығушылықтарын арттыру.

 

1

 

Шара басында кітапханашы қатысушыларды ақынның өмірбаянымен таныстырып өтті. Оның «Абай» республикалық журналының қайта өрлеу кезеңін бастан өткергенін, сондай-ақ, Республикалық «Лениншіл жас» (бүгінгі таңдағы «Жас Алаш») газетінің меншікті тілшісі болған кезінде облыс жастары арасында ең өзекті де, өткір мәселелерді көтергенін баяндап берді.

Редакцияда істеген жылдарында белсенді шығармашылық жұмыстарымен ерекшеленген ақынның «Темір тұлпар», «Судағы сәуле», «Өнегелі өркен», «Күміс тау» және «Жоғалған өзен» атты тарихи роман-диалогтың авторы екенін жеткізді. Шығармаларының әрбір жолдарында оның стилдік ерекшелігі, әсем де көркем өлең жолдары, прозаларында тарихи шындық айқын суреттелген.

Шара барысында драматург ретіндегі дарындылығы жан-жақты айтылды. Кітапхана қызметкері күй атасы Құрманғазы өмірінен сыр шеркен «Жігер» атты пьесасымен қатысушыларды хабардар етіп, сонымен бірге Мерғали .Ибраевтың бірнеше танымал әндердің авторы екенінде тілге тиек етті. Жазушының еңбегі ескеріліп Б.Кенжебаев атындағы республикалық сыйлығына ие болғанын жеткізді.

Іс шара бойы ақынның тамаша өлеңдері, прозалық шығармаларынан, пьесаларынан үзінділер оқылып әндері шырқалды. Шараны жалғастыра отырып кітапханашы барлық облыстардан 20-дан аса талантты ақындар келіп қатысқан, ақынның туған жерінде ұйымдастырылған «Мүшайра» шығармашылық байқауы туралы әңгімелеп берді.

Соңында оқырмандар назарына «Ақын, проз

 
№6 кітапхана-бөлімшесінде №8 мектептің 6-8 сынып оқушыларының қатысуымен «Бір шаңырақ астында» атты өлкетану сабағы өткізілді.
30.04.2017 10:51
16 17 18

Шара басында кітапханашы барша қазақстандықтар үшін ерекше әрі маңызды болып табылатын Қазақстандағы ең жарқын мерекелердің бірі 1 мамыр – Қазақстан халқының бірлігі күні туралы ақпарат берді. Мемлекетіміздің қалыптасуы мен гүлденуіне өз үлестерін қосып бір шаңырақ астында бейбітшілік пен келісімде тату-тәтті өмір сүріп жатқан алуан түрлі ұлт өкілдері жайлы әңгімеледі.

Бұдан әрі шараны «Қазақстан», «Бір шаңырақ астында» атты бейнеролик көрсетілімдерімен жалғастырды. Елімізде тұрып жатқан өзге халықтардың озық дәстүрлері, мәдениеті, әдет-ғұрыптары бойынша сұрақ-жауап өткізілді. Оқушылар өлең, тақпақтар оқып, халықтар достығы, бейбітшілік, Отан туралы мақал-мәтелдер айтты. М.Төлебаев атындағы Музыкалық училищесінің хореография бөлімінің студенттері орындаған өзбек, үнді халықтарының билері шараның шырайын енгізді.

Кітапханашы өлкетану сабағын: «Біз бүгінгі таңда мықты, гүлденген және бай мемлекетте өмір сүріп жатырмыз сондықтан да, бірлігіміздің мызғымас беріктігіне, жас ұрпақтың болашағының жарқын, еліміздің келешегінің табысты боларына сенімдіміз», - деген сөздермен аяқтады.

Соңында оқырмандар назарына елімізде тұратын халықтардың мәдениеті мен салт дәстүрін дәріптеген кітаптар және қазақ халқының тұрмыста қолданылатын заттары мен қолөнер бұйымдары қойылған «Бір шаңырақ астында» атты көрме-инсталляция ұсынылды.

 
<< Бірінші < Алдыңғысы 1 2 3 4 5 6 7 8 9 10 Келесі > соңғы >>

JPAGE_CURRENT_OF_TOTAL