|
|
|
|
Әміре Қашаубаевтың туғанына 125 жыл толу мерейтойына орай Қалалық орталық кітапханада «Мерей» клубы аясында «Әнші мен ән» атты әдеби-сазды кеш ұйымдастырылды. |
|
02.10.2013 11:54 |
|
Кешке Абай атындағы әдеби-сазды драма театрының әншісі, актеры Жұмабек Қамбаров және осы театрдың әншісі, актеры, Қазақстан Республикасының мәдениет қайраткері Мырзахан Сыдықов, сонымен қатар Ахметова Гүлнұр мен Чекимбаева Айгүлдің жетекшілігімен Д.Қалматаев атындағы медициналық колледжінің 1 курс студенттері қатысты.
Кеш барысында кітапхана қызметкері Әміре Қашаубаевтың қазақ ән өнерінің тарихында қайталанбас тұлға ретінде бағаланатын таланттылығын, әншілігін, орындаушылық шеберлігін, табиғатынан бойына дарыған өнері жөнінде кеңінен тоқталды. Әміренің қазақ әндерін көп ажарлағанын, байытқанын қазақтың тұңғыш режиссері, халық әртісі үлкен өнер қайраткері Жұмат Шанин де, ұлы жазушы Мұхтар Әуезовтің де айтып өткені жайлы, әншілік дарынының арқасында Париждегі көрмеде тұңғыш рет әлем кеңістігіне шығарып қазақ әндерін әлемге асқақтата шырқағанын, қазақ әнін шетелге тұңғыш танытқан өнерпаз екендігі айтылды.
Кеш қонақтары тума талант, дарын иесі Әміре әнші туралы айрықша ілтипатпен сөз сөйлеп, өздеріне ұстаз тұтып, теңдессіз әнші екендігін әсерлеп оқырмандарға жеткізді. Сөз барысында Абай атындағы сазды драма театрының әншісі, актер Жұмабек Қамбаров әнші шығармаларын зерттеп жүргені жайлы, Семейдегі «Ес-Аймақ» мәдени ағарту қоғамында мүше болғаны туралы және «Балқадиша» әнінің туу тарихына тоқталып, қазақтың қара домбырасымен нақышына келтіре орындап шықты. Мырзахан Сыдықов: Әншілік өнердің Әміре бойына қалыптасуына шешесі Тойғанның әсері болғанын, қаршадай баланың домбыраға әуестігіне, әндеткен ыңылынан үміт күткен, бала болашағына көз жіберіп алғаш бата берген Жанақ қарт жайлы, Әміре атамыздың фонографқа жазған «Балқадиша», «Дударай», «Ағашаяқ» әндернің үнтаспасын 1974 жылы 21 ақпанда Мәскеу қаласының Бүкілодақтық орталық мұрағатының Қырғыз бөлімінен тапқан Қазақстанның еңбек сіңірген қайраткері Жарқын Шәкәрімовтың шыққан мақаласы мен кітаптары туралы әңгіме қозғады. Кеш барысында Мырзахан аға оқырман қауымға «Ақ сиса», «Естай мен Қорлан», «Туған өлке» әндерін шырқап көптің көңілін көтерді және әр әннің тарихына тоқталды.
Әміре - ұлы әнші, азамат. Оның өмірі мен қимылы әлі де зерттеле түседі. Ол жөнінде талай кітаптар, дастандар жазылмақ. Оның аты ән мектебінде мәңгі қалады. Әнші туралы Қайнекей Жармағанбетовтың «Әнші азамат» повесі, Сәду Машақов пен Оразақын Асқардың поэмалары бар. Әміре Қашаубаев туралы ақын Қайырбек Шағырдың «Ұлы тенор» поэмасы жарық көрді. Оқырмандар өздерін қызықтырған сұрақтарын қойып, Әміренің бірнеше әндерін орындап беруін өтініп, кеш өте тартымды өтті. Кешке арнайы «Ән атасы – Әміре» атты кітап көрмесі ұйымдастырылды.
|
|
|
Қазақ әдебиетінің ХХ ғасыр басындағы жарқын жұлдыздарының бірі – Мағжан Жұмабаевтың туғанына 120 жыл толуына орай Балалар және жасөспірімдер кітапханасында «Ақын, Алаш қозғалысының қайраткері - М.Жұмабаевтың туғанына 120 жыл» атты поэзия сағаты «Қайнар» колледжінің І курс студенттеріне өткізілді. |
|
12.06.2013 22:08 |
|
Өмірі мен өлеңі бір кезде аңызға айналған ақынның аты соңғы жарты ғасырдан артық уақыт бойы айтылмайтын болған. Сол себепті кейінгі буын бұл ақынды аз біледі. Ақынның кітаптары тиым салу салдарынан сарғайып, тозып, жыртылып, жоғалып жатты. Ақты қара, қараны ақ деп түсіндірген зорлық-зомбылық дәуірінің құрбаны болған ақын тағдыры мен шығармаларынан кітапхана қызметкері оқырмандарға кеңінен мағлұмат берді.
Сонымен қатар мәдени іс-шарада қазақ поэзиясының Абайдан кейінгі алыбы - Мағжан Жұмабаевтың «Жастарға», «Жас қазақтар, қайдасын», өз тегін де, өз жерін де мадақтаумен өткен, өмірдегі азаматтық орнын ақтауға ұмтылған, өлең сөздің асыл маржанын төгілткен, сұлу жырымен оқырманын егілткен «Жан сөзі» өлеңі жатқа айтылып, поэзияларынан үзінділер оқылды. Сондай-ақ кітапхананың оқу залында «нағыз ұлттың, әлеуметтің, халықтың сөзін сөйлейтін ақынның әдебиеттеріне толы «Алаштың алдаспаны ақын - Мағжан» тақырыбында кітап көрмесі ұйымдастырылып, библиографиялық шолу жасалды.
|
|
Қазақ халқының рухын көтеретін намысшыл, білімді, ұлтжанды ұрпақ тәрбиелеу, олардың бойында өз ұлтына деген сүйіспеншілік пен мақтаныш сезімін қалыптастыру мақсатында, Геологиялық барлау колледжінің 1 курс студенттерінің қатысуымен, Саяси қуғын-сүргін құрбандарын еске алу күніне арнап Цемент кентіндегі кітапхана-бөлімшесінің оқу залында «Қасіретті жылдар құрбандары» атты ерлік сағаты өткізілді. |
|
29.05.2013 21:00 |
|
Кітапханашы осы атаулы дата Қазақстанда 1997 жылдан бастап аталып келетінін айтып, Алаш қозғалысының пайда болуы жайлы студенттерге баяндап берді. Колледж студенттері «Алаштың арыстары» атты әдеби монтаж оқыды. Кітапханашылар Ә.Бөкейханов, А. Байтұрсынов, М. Дулатов, М. Жұмабаев сияқты т.б. Алаш арыстарының өмір жолымен және шығармашылығымен таныстырып, слайд арқылы «Абзал есімдер» атты викториналық ойын жүргізді. Шара соңында «Азаттық – алаш арманы» атты кітап көрмесіне библиографиялық шолу жасалды.
|
|
|
№2 кітапхана-бөлімшесінде № 42 жанында интернаты бар жалпы білім беретін орта мектептің 7 сынып оқушыларының қатысуымен О.Бөкейдің туғанына 70 жыл толуы қарсаңында «Алтайдың асыл жыршысы» атты әдеби кеш өткізілді. |
|
29.05.2013 20:57 |
|
Әдеби кештің мақсаты: ХХ ғасырдағы қазақ әдебиетінің көкжиегіне көрік берер жарық жұлдыз, алты Алашты аузына қаратқан атақты жазушы, философ, публицист, драматург, жер шарының алтыдан бір бөлігінің небір танымал жазушыларының таңдайын қаққызған ешкімге ұқсамайтын, шеберлігі ширығып шегіне жеткен тамаша талант иесі болған Оралхан Бөкей туралы мағлұмат беру.
Әдеби кеш жас ақын 7 сынып оқушысы Ахмадиев Төлегеннің «Оралхан ағамызға арнау» атты шығарған өлеңімен ашылды.
Шара барысында кітапхана қызметкері қазақ әдебиетіне өзіндік ерекшелігімен, өзіндік өрнегін сала келген жазушы Оралхан Бөкейдің өмір жолы, шығармашылығы, қызметі мен еңбек жолы туралы оқушыларға слайд көрсете отырып таныстырды. Сонымен қатар Оралхан Бөкейдің шығармаларына арналып жасалған виртуалды көрме слайд арқылы оқырмандар назарына ұсынылды.
Сондай-ақ оқушылар өздері оқыған О. Бөкейдің шығармалары туралы ойларын ортаға салып, пікір алмасты. Әдеби кеш соңында «Оралхан Бөкей - асқақ Алтай жыршысы» атты кітап көрмесіне шолу жасалып, жазушының кітапхана қорында бар шығармаларымен шараға қатысушылар таныстырылды. |
|
Қазақтың ұлттық санасын оятуда, мәдениеті мен білімін арттыруға қосқан теңдессіз үлесі жайлы, «Алаш» көшбасшыларын үлгі ете отырып, өз елін жерін қорғайтын ұрпақ тәрбиелеу мақсатымен Қалалық орталық кітапхананың қызмет көрсету бөлімінде «31 мамыр - Саяси қуғын-сүргін және ашаршылық құрбандарын еске алу күніне» орай «Ұлы тұлғалар - ұлы бастаулар» атты тарихи сабақ Медициналық колледж студенттерімен өткізілді. |
|
23.05.2013 22:26 |
|
Кеңес өкіметі жылдарында «жабық» тақырыпқа айналған, есімдері мен еңбектері ескерусіз келген Алаш арыстары туралы еліміз тәуелсіздік алған соң ғана жан-жақты сөз бола бастады: олардың мұралары жарық көрді, зерттеу еңбектер жазылды, есімдері ұлықталды.
Тарихи сабақ барысында тарихтағы өткен ғасырдағы қасіреттік оқиға туралы, Сталиндік соқыр саясаттың арқасында қазақ халқы көптеген қиыншылыққа тап болып, біздің жерлестеріміз де жазықсыз жазаланғандары жайлы кітапхана қызметкері деректерге сүйене отыра, мәлімет берді.
Шараға арнайы шақырылған тарихшы, этнограф Мұхаметқазы Мұхамадиұлы Алаш қозғалысы тарихы туралы әңгімелеп, біздің белсенді оқырманымыз Жазид Машраб, Алаш партиясының белсенді мүшесі болған, қуғын-сүргін кезінде өмір сүрген, ашаршылық, қайғы-қасіретті өз көзімен көрген әкесі Баяділ Машрабтың өмірінен қысқаша естеліктер айтып берді.
Оқырман назарына ұсынылған «Алаш қайраткерлері» атты кітап көрмесіне библиографиялық шолу жасалды. Көрмеге 40-астам кітаптар мен мерзімді басылымдар қойылды, олардың ішінде: «Өнер» баспасынан 2010 жылы «Алаш көсемсөзі» сериясымен жарық көрген 10 томдық кітаптар, «Арыс» баспасынан 2009 жылы шыққан, Алаш. Алашорда Энциклопедиясы, 2011 жылы «Ел-шежіре» баспасынан жазушы-ғалым Тұрсын Жұртбайдың «Ұраным-Алаш!...» атты 2-томдық кітаптары бар. Шара соңында Алашорда тарихынан сыр шертетін «Алаш» атты деректі фильмнен үзінді көрсетілді.
1913-14 жылдары Семей қаласында Қазақстандық бірінші футбол командалары құрыла бастады: «ССК», «Олимп», «Ласточка», «Орлята» және «Ярыш». «Ярыш» футбол командасының құрамында кейіннен әлемге әйгілі болған әдебиетші, этнограф, жазушы Мұхтар Омарханұлы Әуезов те болған. «Ярыш» командасында М.О.Әуезовпен бірге капитан Ахметсалим Каримов және басқалары Қазақстан футболының дамуына ат салысқан.
Ұлы жазушы, қазақ әдебиетінің классигі, драматург, ғалым-әдебиетші М.О.Әуезов 5 кластық қалалық училищеде оқып жүрген кезінде футбол ойынына қатты қызығушылық танытып, «Ярыш» атты жасөспірімдер командасы құрамында болған. Ахмет Әуезов өз естелігінде Мұхтардың футбол ойынына қалай келгені, оған кімнің ықпал еткені жөнінде қызықты деректер айтады. Мұхтар өзінің достары Ишар, Қасым, Дәку атты қазақ балаларын да футболмен достастырған. Ноғай балалары мен қазақ балаларынан Семей қаласында «Ярыш» атты команда құрылып, оның құрамына 24 адам кірген. |
|
|
|
|
<< Бірінші < Алдыңғысы 1 2 3 4 5 6 7 Келесі > соңғы >>
|
|
JPAGE_CURRENT_OF_TOTAL |
|
