Экономика
Экономика города Семей
26.06.2015 09:36

Семей — еліміздің мәдени және рухани орталығы болумен қатар, өндірісі өркендеген, шағын және орта бизнесі дамыған, әлеуметтің әлеуеті артқан қала.


ПРОМЫШЛЕННОСТЬ ГОРОДА СЕМЕЙ

 

Егеменді елеміздің алғашқы жылдарында экономикадағы ауыртпалықтар аумақтық басқаруды ірілендіруді қажет еткендіктен, Семей Шығыс Қазақстан облысының құрамына кірді. Өтпелі кезеңдердің алғашқы жылдарындағы қиындықтар да артта қалды.

Қала басшысының бастамасымен шаһардың 2025 жылға дейінгі сәулеттік құрылысының Бас жоспары және Семей өңірінің экономикалық дамуының үш жылдық жоспары жасалды.

Семей қаласындағы кәсіпкерлікті, шағын және орта бизнесті дамытуға, жеке кәсіпкерлікті дамытуға, осы бағыттағы кәсіптік мамандықтарды меңгеруге бейімдеуге көп көңіл бөлінді. Нәтижесінде Семей өңірінің шағын және орта бизнесті, жеке кәсіпкерлікті дамытуда республика көлемінде алдыңғы бестіктің қатарына енді.

Қазақстан республикасы Үкіметінің тапсырмасымен Семейде кәсіпкерлікті қолдау және инвесторларға қызмет көрсету мақсатында «Атамекен» Одағы Қазақстан ұлттық экономикалық палатасының бөлімшесі, кәсіпкерлерге қызмет көрсету орталығы ашылды.

Соңғы жылдары Семей табыстың барлық барлық көздері бойынша өзін-өзі қамтамасыз етуге қол жеткізді. Құрылыс жұмыстарының көлемі және тұрғын үйлерді пайдалануға беру, балабақша салу бойынша алдыңғы көрсеткішке жетуде.

Соңғы төрт жылдық мерзімде қала экономикасы өрледі, әлеуметтік әлеуеті артты.

Елбасы Жолдауында көрсетілген мақсаттың бірі экономиканың дамуының басты факторы ретіндегі бизнес пен кәсіпкерлерді бір арнаға тоғыстыру болып табылады.

Өнеркәсіп саласы бойынша қолданыстағы бағада өнім көлемі 7,6% немесе 9,3 млрд. теңгеге артып, 131,9 млрд. теңгені құрады.

Тау-кен өнеркәсібінде көмір кені 5,8% артуы есебінен жалпы өндіріс көлемі былтыр 15,6 млрд. теңгені құрады

Машина жасау саласы 2014 жылдың жұмыс қорытындысы 2013 жылдың деңгейінен 1,4 есе қамтамасыз етілді.

Қаланың жеңіл өнеркәсібіндегі өнім шығарылымы 2013 жылмен салыстырғанда 1,3 есеге артып, 2,0 млдр.астам теңгені құрады. Өткен жылдың деңгейімен салыстырғанда киіз өндірісі 66,7 %, іш киім өндірісі 94,7%, бас киімдер 31,6%, табиғи жүннен тігілген киім 95,7%, жүннен тігілген қысқа тондар, ішіктер 94,1%, тоқыма бұйымдар өндірісі 45,4% артқан.

Қаланың металлургия өнеркәсібінде 18,6 млдр.теңге сомасына өнім өндірілді немесе қаланың өнеркәсіп өнімі жалпы көлемінің 14,1% -ын құрады.

2014 жылы Қазақстанды индустрияландырудың бірінші бесжылдығы аяқталды. Үдемелі индустриялық-инновациялық дамыту бағдарламасы аясында Семей қаласы бойынша жалпы құны 10,7 млрд. теңгені құрайтын Индустрияландыру картасының 10 жобасы пайдалануға енгізіліп, 600-ден астам жұмыс орны ашылды.

2014 жылы қала кәсіпкерлері (9 кәсіпорын) өткен жылдардағыдай өңірлік және «Қазақстанның үздік тауары - 2014» атты конкурс-көрмеге белсене қатысты.

2014 жылы 34,8 мың шағын және орта кәсіпкерлік субъектілері тіркеліп, осы салада 55 мың адам жұмыспен қамтылған.

Экономиканы дамытуға қаланың аграрлық секторы да белгілі бір үлес қосады. Бүгінгі күні қаланың аграрлық секторында 664 шаруа қожалығы, 2 өндірістік кооператив, 8 жауапкершілігі шектеулі серіктестік, 11 саяжай-бағбандық кооператив және 32 мыңнан аса жеке қожалықтар бар.

Бүгінгі күні «Агрофирма Приречное» ЖШС, «Нұр», «Зағитов», «Нұртаза», «Гүлрайхан», «Тлеп», «Ертай аға», «Қайыңды», «Мади-Р» шаруа қожалықтарында бордақылау алаңдары жұмыс істеп тұр.

Инвестициялық жобаларды жүзеге асыру мақсатында «Восток-Бройлер» жауапкершілігі шектеулі серіктестігі құс еті өндірісін жоғарылатуда жұмыртқа өндіруден бройлер тауықтарының етті бағытына өзгертілді. Жоба бірінші кезекте 100% іске асырылды. 2014 жылы 4867 тонна құс еті өндірілді.

107,5 мың шаршы метр тұрғын үй енгізіліп, өсу қарқыны 123,2%-ды құрады немесе өткен жылдың деңгейімен салыстырғанда 20,3 мың шаршы метрге артық.

2014 жылы «ЖҚЖК - 2020» бағдарламасы аясында 17 жоба іске асырылып, 210 жұмыс орны құрылып, орталықтың бағыттауымен 137 адам жұмысқа орналасты.

2014 жылы шығыс Қазақстан облысының әкімдігі мен Сауд Арабиясы Корольдігі арасында жасалған Меморандум аясында 80 орындық балаларға арналған туберкулезге қарсы аурухананың салтанатты түрде ашылуы өтті.

Семей қаласының өңірлік онкологиялық диспансері базасындағы Ядролық медицина орталығының құрылысы аяқталуда, ол медициналық холдинг құрамына еніп, радиофармпрепараттар өндіре алатын позитрондық-эмиссиондық томографпен (ПЭТ/КТ), магниттік-резонанстық томографпен, брахитерапиямен, референс-зертханаға арналған телепатология жүйесімен жабдықталатын болады.

Семей қаласында 33 балабақша, 50 шағын орталық (2013 жылы 29 балабақша, 51 шағын орталық) жұмыс істеп тұр.

LAST_UPDATED2