|
|
|
|
Биылғы жылдың 1 маусымында Орталықтандырылған кітапхана жүйесі бөлімшелерінің ұйымдастыруымен Халықаралық балаларды қорғау күніне арналған әртүрлі мерекелік шаралар қала бүлдіршіндеріне үлкен қуаныш сыйлады. |
|
01.06.2013 00:00 |
|
Атап айтатын болсақ Балалар және жасөспірімдер кітапханасы Орталық саябақта өткен мәдени іс-шараға қатысып «Балаларға күн шуағын шашайық» атты флэш-моб өткізді.
Мәдени шараның мақсаты: жас оқырмандарды кітап оқуға тартып, кітапқа деген қызығушылықтарын арттыру. Жазғы демалыс уақыттарын тиімді пайдалануына көмек көрсету.
Бүлдіршіндер назарына ұсынылған тартымды безендірілген кітап көрмелерінің ішінен балалар өздерін қызықтырған кітаптарды қолдарына алып, бірі ертегілерді, енді бірі қызықты энциклопедиялар мен т.б. кітаптарды саябақтың ішінде әр жерде тұрып оқыды. Бұл кітаптарға қызығушылық танытқан оқырмандарға кітапханадан алып оқуларына болатыны түсіндірілді. Сонымен қатар түрлі түсті қағаздарға басылып шыққан кітапханада жазғы лагерде өтетін іс-шаралардың жоспары, кітапхана туралы ақпарат жазылған буклеттер таратылды.
Осы мереке барысында Қалалық орталық саябақта мереке күні қыдырып жүрген балаларға көтеріңкі көңіл – күй сыйлау үшін және олардың музыка өнеріне деген қызығушылығын арттыру мақсатында «Әнші балапан» тақырыбында Балалар және жасөспірімдер кітапханасының қызметкерлері караоке ұйымдастырып өткізді. Кітапханашы: «Караоке жапонша («Kara оkesutora» — «пустой оркестр» (бос оркестр) деген мағынаны білдіреді. Яғни кез – келген өлең айтушы дайын сүйемелдеумен (аккомпанементпен), экраннан оның мәтінін оқи отырып, мелодиясымен үйлестіріп айту», - деп, караокенің ережелерімен таныстырып, қатысушыларға микрофонды ұсынды.
Бұл шараға балалармен бірге ересектер де қызығушылық танытып, ән айтты. Шара барысында заманауи қазіргі заманғы қазақ, орыс, ағылшын әндері шырқалды. Караокедегі әнді нақышына келтіріп айтқандарға сыйлықтар табыс етілді. «Ән көңілдің ажары» дегендей, «Әнші балапан» шарасына қатысушылар ән айтып, алғыстарын айтты.
|
|
|
Қоғамдағы ұлттық мән-маңызы бар оқиғаларға жас оқырмандардың назарын аудару, қазақ тілін латын әліпбиіне көшірудің тиімді тұстары көп екенідігін айту мақсатымен №8 мектеп-кешенінің 8 сынып оқушыларымен «Латынға көшу - заман талабы» атты ақпарат сағаты №6 кітапхана-бөлімшесінде өткізілді. |
|
23.05.2013 22:19 |
|
Шараны кітапханашы: Елбасы «Қазақстан-2050» стратегиясы-қалыптасқан мемлекеттің жаңа саяси бағыты» атты Қазақстан Халқына арналған Жолдауында: «Біз 2025 жылдан бастап әліпбиімізді латын қарпіне, латын әліпбиіне көшіруге кірісуіміз керек. Бұл - ұлт болып шешуге тиіс принципті мәселе. Бір кезде тарих бедерінде біз мұндай қадамды жасағанбыз. Балаларымыздың болашағы үшін осындай шешім қабылдауға тиіспіз және бұл әлеммен бірлесе түсуімізге, балаларымыздың ағылшын тілі мен интернет тілін жетік игеруіне, ең бастысы - қазақ тілін жаңғыртуға жағдай туғызады», - деген болатын деп бастады.
Бүгінде әлімнің жеті елі ғана кириллицаны қолданатындығын, олар - Ресей, Беларусь, Украина, Болгария, Тәжікстан, Қырғызстан және Қазақстан, ал латын әліпбиін жер шарының 4 млрд. тұрғыны қолданатындығынан ақпарат берді. Латынға көшу бастамасы қоғамдық санада үлкен жаңғырық туғызғандығына тоқталды. Латын қарпіне көшуді қолдаушылар да аз емес, сөйте тұра қарсы пікір білдірушілер де бой көрсетіп жатқандығын да айтып өтті. Латын қарпіне көшуге кірісуіміз ішкі қажеттіліктен туындап отырғаны жайында түсіндіріп өтті. Шараға қатысушылар өздерін толғандырған Латын әліпбиіне көшу саяси маңызы бар мәселе ме, әлде тілдік қажеттілік пе?, Латын әліпбиіне өтуге қоғамымыз дайын ба?, Латын әліпбиіне көшу - тіліміз үшін жасалған игі қадам ба? т.б сұрақтарына жауап ала отырып, кітапхана қорына жаңадан түскен әдебиеттермен және мерзімді басылым беттерінде жарияланған осы тақырып төңірегіндегі материалдармен танысты. |
|
Қазақстан Республикасының бас қаласы, қазақ елінің мақтанышы Астананың 15 жылдығына орай №6 кітапхана-бөлімшесінде №8 мектеп-кешенінің 6 сынып оқушыларына арнап "Астана - арман қала" атты саяхат-ойын өткізілді. |
|
17.05.2013 00:00 |
|
Шараның мақсаты: Астана қаласының тарихымен, шежіресімен таныстырып, ізденіске, шығармашылыққа баулу. Оқырмандарды елжандылыққа, өз елінің патриотты болуға тәрбиелеу, өз Отанына деген сүйіспеншілік сезімдерін қалыптастыра түсу.
Шара барысында кітапхана қызметкері оқырмандарға ең алдымен тәуелсіздігімізге қалай қол жеткізгендігімізді тоқталып, Астана қаласына деген мақтаныш сезімдерін ұялатта отырып, көрнекті жерлерімен таныстырып, түсініктерін кеңейте түсті. "Астана-арман қала" атты слайд көрсетіліп, оқушылардың Астана қаласына арнап өздері дайындап әкелген «Сезімнен туған өлеңдер» деген тақырыбында тақпақтар тыңдалды. Оқушылардың белсене қатысуымен «Қазақстан» атты сөзжұмбақ шешіліп, оқушылар «Бәйтерек», «Конгресс-Холл» атты екі топқа бөлініп «Ойнайық та, ойлайық» атты викториналық сұрақтарға жауап берді. Екі топ Астана жайлы суреттер салып, әр топ өздерінің салған суретеріне баға беріп, тілектер айтты. |
|
|
Балалар және жасөспірімдер кітапханасында қоғам кайраткері, ақын, әдебиеттанушы, лингвист, аудармашы, публицист, ағартушы-ғалым, ұлт ұстаз Ахмет Байтұрсыновтың туғанына 140 жыл толуына байланысты ақынның өмірбаянымен және шығармаларын тереңірек таныстыру мақсатында «Қоғам қайраткері, ақын, әдебиеттанушы» атты портрет – көрме ұйымдастырылды. |
|
28.04.2013 00:00 |
|
Шарада кітапхана қызметкері Ахмет Байтұрсынұлының өмір жолы, қызметі, шығармашылығы жайлы баяндама жасап, тыңдаушыларға оның өмірінен, шығармашылығынан үлкен мағлұмат берді. Сондай-ақ, колледж студенті Анар Ерболатқызы А.Байтұрсынұлына арналған жыр-естеліктерді мәнерлей оқып, тыңдаушыларды риза етті.
Сонымен қатар А.Байтұрсынұлының «Маса», «Қырық мысалы», «Замандастарыма», «Шымшық пен көгершін», «Сары шымшық» өлеңдері оқылды. Ақынның жинағын жатқа айтудан осы топтың студенті Ақылбаев Мирас озып шықты Айта кету керек, өз өмірінде халық үшін көп іс тындырған А.Байтұрсынұлы жайлы әңгімелер мен лебіздерді көпшілік ықыласпен тыңдады. Әлбетте, ел ардақтысы А.Байтұрсынұлының қалдырған мұрасы мол. Оның шығармашылығына деген қызығушылық жыл өткен сайын жоғарылай түсуде. Бұл ұйымдастырылған шарадан соң А.Байтұрсынұлының шығармалары қызықтыратын оқырмандардың қатары тағы да көбейді.
|
|
Мирный кентіндегі кітапхана – бөлімшесінде Кітап мерекесі аясында «Х.Андерсеннің ертегілеріне саяхат» атты виртуалды көрме №26 орта мектептің 4 сынып оқушыларына арналып өткізілді. |
|
25.04.2013 00:00 |
|
 Шараның мақсаты: оқушыларды кітап оқуға қызықтыру, сөйлеу мәнерін дамыту, кітаптың адам өміріндегі пайдасы мен маңыздылығын ұғындыру.
Кітап қай заманда да өзінің құнын жоғалтпаған. Кітап арқылы біз өткенге көз жіберіп, жақсысынан тағылым аламыз. Жас ұрпақты кітап оқу арқылы қайырымдылыққа, адалдыққа, әділеттілікке, жамандықпен күресе білуге баулимыз.
Шара барысында кітапхана қызметкері кітаптың түп атасы қашан, қайда жасалғанын, кітап сөзінің шыққан атауы туралы, сонымен қатар кітап тек үйде ғана емес, жауынгерлердің жорық кезінде рухани азығы болғаны жайлы аңыздар айтып, әлемдегі ең танымал әрі ең үлкен кітапханалар слайд арқылы көрсетіліп, оқушыларға қызықты ақпарат берілді. Сонымен қатар жыл сайынғы маңызы өте жоғары рухани байлық болып табылатын кітап мерекесінің дәстүрлі түрде мерекеленуі мен Г.Х.Андерсеннің өмірі мен шығармашылығы айтылып, балаларға арналған ертегі кітаптары туралы виртуалды көрме ұйымдастырылды. Көрме арқылы оқушылар әр кітаптың қысқаша мазмұнынан ақпарат алып, ұсынылған кітаптар оқырмандардың жүректеріне жол тауып, оқуға деген құштарлықтары артты. Оқушылар кітап туралы өздері білетін тақпақтарын айтып, «Науқас кітап» атты көрініс қойды.
Еңбексүйгіштікке, татулыққа тәрбиелейтін ертегілер арқылы ойындар ұйымдастырылып, ойын барысында ертегі кейпкерлерімен бірге қызықты саяхатқа шыға отырып талапты, кішіпейіл болу керектігін ұғынып, «Кітап нені сүйеді?» атты ойында оқушылар кітапқа үнемі құрметпен қарап, таза ұстауға дағдылану керектігін білді. Шара соңында әр ұлттың ертегілеріне арналған кітап көрмесі ұйымдастырылып, оқушылар өздеріне ұнаған ертегілерін қызықтап оқыды.
|
|
|
|
|
<< Бірінші < Алдыңғысы 1 2 3 4 5 6 7 8 9 10 Келесі > соңғы >>
|
|
JPAGE_CURRENT_OF_TOTAL |
|
