Кітап – қарым- қатынастың, еңбектің, күрестің құдіретті құралы. «Кітап – білім бұлағы» деп бекер айтылмаған. Осыған байланысты Балалар және жасөспірімдер кітапханасында «Кітап патшалығына саяхат» тақырыбымен экскурсия өтті. Осы іс-шара аясында кітапханамызда жаңа технологияны қолдана отырып экспрес-шолу, ойын сайыстар ұйымдастырылды. Экскурсияға қаламыздың №1, 6, 31, 36 мектептері қатысты.

Мақсаты: әртүрлі формадағы ойындар өткізе отырып олардың тіл байлығын, шығармашылық қабілеттерін, кітап оқуға деген қызығушылықтарын арттыру.

Экскурсия күні кітапханамыздың ең бірінші қонақтары болған «Кайнар» колледжінің студенттері. Кітапханашылар алдымен слайд арқылы «Библиорандеву» көрсете отырып, кітапхана бөлімдерімен таныстырды. Оқырмандарымызды жаңа кітаптар,мерзімді басылымдар сондай-ақ электронды кітаптармен таныстырдық. Іс-шара барысында оқырмандарымызбен «Олимпиада» атты викторина өткізілді.

Сонымен қатар іс-шараға келген ең кішкентай оқырмандарымыз олар «Қайнар» мектебінің 1 сынып оқушылары және «Қуаныш» бала-бақшасының тәрбиеленушілері. Оларға «Ертегілер әлемінде» электронды ойын-сайыс өткізілді.

Мақсаты: Оқушылардың білімдерін шындау, жан–жақтылығын, танымдылығын, жылдамдылығын және логикалық қабілеттерін ашу.

Іс шараны өткізу барысында Семей қаласының педагогикалық институтының Оңтүстік Кореяда оқитын Ержан Тлеубергенов, Айдын Түлегенов, Инара Тусеева, Лилия Мустафина, Балжан Ерсаханова, Ася Хасанұлы т.б.студенттерімен скайп арқылы № 8 мектептің 8 сынып оқушыларымен ақпараттық технологияға байланысты тікелей сұхбат жүргізілді. Тікелей сұхбат арқылы шетелде оқитын студенттерге оқушылар Шетелде оқу үшін қандай талап керек?, Қанша тіл білесіздер?, Білімді елдің із басарымын деп өздеріңізді ойлайсыздар ма?, Қай мектепті бітірдіңіздер?, Тағамдары қандай?... деген сұрақтарды қойып өз ойларымен бөлісті.

Шара соңында оқушылар арасында «Кім көп біледі», «Кім жылдам» атты тақырыпта жарыс сабағы өткізілді.

Ертегілердің кейіпкерлерімен бүлдіршіндер кішкентай күнінен бастап танысады.Бала ертегі оқи отырып, сол кейііпкерлерге ұқсағысы келеді. Мысалы «Түймеқыз», «Қызыл телпек», «Ұйқыдағы ару» т.б. Оқу баланың есте сақтау қабілетін, сөйлеу мәнерін, сенімділігін, белсенділігін арттырады.

Шараның мақсаты: Балаларды кітапханамен таныстыра отырып, оқуға, кітапқа деген қызығушылығын арттыру.

Шара ойын түрінде өтті. Кішкентай оқырмандарға «Ертегіні тап?» атты ертегі-викторина, «Ертегіден келген жеделхат», «Кейіпкерді тап?» атты ойын жүргізді. Кішкентай оқырмандар шара барысында белсенді қатыса отырып, өздерінің оқыған ертегілерін айтып берді. Шара соңында оларға сүйікті ертегі кейіпкерлерін салу тапсырылды.

«Болашақ бүгіннен басталады» атты Республикалық акция аясында жазушы, әрі ақын Евгений Алексеевич Титаевпен «Кішкентай балалардың сүйікті досы» атты кездесу кеші өткізілді. Бұл кездесуге №43 мектептің жазғы демалыс лагерінің оқушылары қатысты.

Іс-шараның мақсаты: жазушының еңбек жолымен шығармашылығымен оқушыларды таңыстыру, өлкеміздің жазушыларын насихаттау.

Кітапхана қызметкері жазушының бүгінгі жас ұрпаққа патриоттық, еңбекшілдік, адалдық тәрбиесін беруді басты мақсат тұтқан өмірі мен шығармашылығына тоқталып, сөз кезегін ақынға берді. Жазушы «Доктор Стук», «Сказки моего города», «Ветерок, давай дружить», «Тайфун находит друга» т.б өлен жинақтарынан үзінді оқыды. Титаевтың шығармашылығына байланысты слайд көрсетілді.

Кездесу кешінде оқырмандар өз ойларында жүрген көптеген сұрақтары: Сіз кез келген уақытта өлең шығара аласыз ба?», «Шәкірттерініз бар ма?, "Неше жастан кітап жаза бастадыңыз?" қойылып, жауаптарын алды.

Шара барысында №43 мектептің 2 сынып оқушысы Аккалиев Санджар Семей қаласына арналған өленді оқып, «Атамекен» әнің орындап берсе, Оразгалиева Асель «Полька» биің билеп берді.

«Кітап – рухани азық» - деп бекер айтпаса керек. Білімді кітаптан үйренесің. Кітапхана – ақпараттық, мәдени - ағартушылық, ғылыми – зерттеушілік мекеме. Мынау жылдам қарқында дамып бара жатқан заманда ой маржаны да, сөз маржаны да – кітапта қалары сөзсіз. Сондықтан да біз кітапханашылар балаларды кітаппен дос болуға шақырамыз!