В Центральной городской библиотеке в отделе обслуживания прошел вечер-памяти «Мужество – есть великое свойство души», посвященный 25-летию со дня вывода советских войск из Афганистана. |
12.02.2014 15:26 | ||
Кешке ауыр аманат арқалап, өмір мен өлім белдескен қанды шайқасқа қатысып, батылдық пен ерліктің ерен үлгісін көрсеткен қаһарман жерлестеріміз, ауған соғысының ардагерлері Рысбаев Елгелді Соланұлы, Мамырбеков Бақтығали Әбдіғамитұлы және Радиотехника және байланыс колледжінің 3 курс студенттерімен бірге А.А.Ахметованың жетекшілігімен «Жас жұлдыз» балалар орталығының тәрбиеленушілері қатысты. Шараның мақсаты: ұлттық және жалпы адамзаттық құндылықтарға сай өскелең ұрпақтың рухани дүниесі кең тұлға болып қалыптасуына, қазақстандық патриотизм рухында тәрбиеленуіне соғыс ардагерлеріміздің Отан алдындағы борышын адал орындаған ерліктерінен, патриоттық сезімінен тағылым алуға тәрбиелеу. «Ауғанды еске ал» атты әуенімен басталған мәдени шара басында Ауған соғысында құрбан болған жауынгерлерді бір минут үнсіздікпен еске алынды. Кеш барысында кітапхана қызметкері Ауған соғысының тарихы мен қасіретін, соғысқа қатысқан қазақстандықтар туралы сөз қозғап, «Ұлы дала өркениеті» атты деректі фильм көрсете отырып жас ұрпаққа Ауған соғысының қасіретін сезінуге мүмкіндік берді. Сонымен қатар жылдар өткенімен жауынгерлеріміздің өшпес ерлігі ел есінде екенін айта отырып, бейбітшілік үшін күрескен ағалардың ерлігін сақтау, оларды үлгі-өнеге тұту - әрбір қазақ азаматының борышы, - деп шараның мәні мен маңызына кеңірек тоқталды. Кешке шақырылған Ауған соғысының ардагерлеріне сөз кезегі беріліп, сол сұрапыл соғыстағы ауыртпалықтарды еске алып, жас ұрпақты бейбіт күннің парқын біліп, қастерлеуге шақырды. Әр ардагерге оқырман қауым ойларында жүрген сұрақтарын қойып, жауаптар алды және тағылымы мол кездесу болғанын да айтып өтті. Сонымен қатар «Жас жұлдыз» балалар орталығының тәрбиеленушілері Төкенов Әлішер «Атамекен», «Жас дәурен» дуэті «Дала жыры» атты әндерімен көпшілікке көтеріңкі көңіл сыйлады. Кітапхананың тұрақты оқырманы К.Жармұхамбетов өз ойын ортаға салып, ауған ардагерлерінің ерлік-жігерін жастарға үлгі етіп айта білді. Шара соңында өз борыштарын адал атқарған ауған соғысы ардагерлеріне естелік кітаптар сыйға тартылып, «Ауғанстан – тарих қойнауының бір парағы» атты кітап көрмесіне библиографиялық шолу жасалды. |
||
LAST_UPDATED2 |