04.10.2013 16:30

  Өнер ордасы

 

            Семей – республикамыздың мәдени, тарихи орталықтарының бірі.  

 

            Семей өңірінде дүниеге келген халқымыздың біртуар тұлғалары, ардақты ақындары, қарымды қаламгерлері, күміс көмей, жезтаңдай әншілері, сахна саңлақтары, дәулескер күйшілері, өнерпаз өрендері, игі жақсылардың өмір жолы ұрпаққа өнеге, келешекке үлгі болса дейміз.

 

            Абай Құнанбаев, Шәкәрім Құдайбердіұлы, Әсет Найманбаев, Әміре Қашаубаев, Көкбай Жанатайұлы, Ахат Құдайбердіұлы, Жүсіпбек Аймауытов, Мағжан Жұмабаев, Мұхтар Әуезов, Қаныш Сәтбаев, Виктор Селевин, Сапарғали Бегалин, Қайым Мұхамедханов, Мұқан Төлебаев, Әйткеш Толғанбаев, Бекен Жамақаев, Тұрсынхан Әбдірахманова, Төлеу Көбдіков, Күләш Сәкиева, Әбілқасым Жаңбырбаев, Шәкер Әбенов, Сәду Машақов, Кәмен Оразалин, Жәнібек Кәрменов, Роллан Сейсенбаев, Медеу Сәрсеке, Бибігүл Төлегенова, Роза Рымбаеваларды мақтан етеміз.

 

            Абай мен Абай шәкірттері – Шәкәрім, Ақылбай, Мұхаметжан, Уайс, Көкбай, Мұқа, Берікбол. Тума таланттар Жанұзақ пен Әрімжан тағы да басқа бабаларымыздың тізбегін тізуімізге болады. Ұлы Абайды өнеріне тәнті еткен Найманбайдың Әсеті, Ноғайбай мен Үлкенбай, Көтбай мен Ақжан, он алты мың жолдық өлең-роман жазған Арғынбектер Шығыс музыка өнеріне өзіндік үлес қосқан майталмандар.

 

            Өлкеміздің өзіндік ерекшеліктерін сақтап қала алған, сақтап қана қоймай алға сүйреген өнер майталмандарымыз, жерлесіміз Әміре Қашаубаев жиырмасыншы жылдары Парижге барып, әлем халқын аузына қаратса, бұлбұл әнші Бибігүл Төлегенова жарты ғасырдан бері әлемдік сахна төрінен көрініп жүр.

 

Сазгерлер                                                                 Әншілер

 

LAST_UPDATED2