Шараның мақсаты: Қазақстан футболына 100 жыл толуына байланысты, әйгілі жазушы М.О.Әуезовтің «Ярыш» тобында футбол ойнағаны туралы оқырмандарға мағлұмат беру және жас ұрпақты спортқа баулып, дене тәрбиесіне баса назар аударту. Сонымен қатар оқушыларды М.Әуезовтің өмірімен және шығармашылығымен таныстырып, қаламгердің туындыларын насихаттау, кітапқа деген қызығушылығын арттыру, көркем шеберлігін, тілін ой-өрістерін дамыту.

Шараны жүргізген кітапханашы ұлы жазушының өмірбаянына, әлем әдебиеті қазынасына ерекше қымбат көркемдік-эстетикалық игілік болып қосылған «Абай жолы» эпопеясының шығармашылық тарихына тоқталды. Жазушының өскен ортасы туралы слайд көрсетті. Шара соңында «Былғары доп тарихынан» тақырыбымен ұйымдастырылған кітап көрмесіне библиографиялық шолу жасалды.