XIX ғасырдың екінші жартысының (1911 жылдың) тарих және сәулет ескерткіші.

Мекен-жайы: Семей қаласы, Торайғыров көшесі, 80.

Бұл ескерткіштің пайда болуы крепостнойлық құқықтың жойылу датасымен байланысты. Қаланың байырғы тұрғындарының айтуынша, ғимараттың салыну уақыты XIX ғасырдың екінші жартысына жатады. Қазірге дейін бұл ескерткішке қатысты құжаттар табылмаған. 1959 жылы бұл ғимаратта адамдар тұрған. 1959 жылы Семей қалалық Кеңесінің шешімімен бұл үй қалалық оқу бөлімінің балансына беріліп, ғимарат күрделі жөндеуден өткізілген. Қалалық Кеңестің шешіміне сәйкес ғимаратта мектеп орналасқан. Бірнеше мәрте күрделі жөндеу жүргізілгеніне қарамастан, ғимарат өзінің бастапқы бет-бейнесін жоғалтпаған, тек оның ішкі бөлігі ғана өзгертілген.

Бұл - қызыл кірпіштен қаланған екі қабатты ғимарат. Ғимараттың жоғарғы бөлігінде крепостниктік құқықтың жойылған датасы кірпішпен қалап жазылған. Ғимараттың ішкі бөлігіне екі холл, екі дәліз және жеті бөлме кіреді. Қабырғалары кірпіштен қаланып, ортасына топырақ төгілген, едендері тақтай. Бөлмелері ағашпең кейбір жері кірпішпен бөлінген. Қос терезелі, олар тұйық қақпақпен жабылады. Ғимарат ыстық сумен жылытылады. Есіктерінің материалы ағаш, қолдан жасалған, қарапайым, барлық бөлмеде бір есіктен. Ішкі қабырғалары сыланған, әктелген және сырланған.

Әдебиеттер:

Гостиничные номера купца Сахно; Воскресенский православный собор; Здание китайского консульства; Здание, построенное в честь отмены крепостного права [Текст]: [о памятниках архитектуры г. Семей] // Вести Семей. - 2010. - 10 нояб. - С. 4. : ил.

Шығыс Қазақстан облысы сәулет және монументальды ескерткіштерінің тізбесі [Мәтін] = Свод архитектурных и монументальных памятников Восточно-Казахстанской области. - Өскемен : Альфа-Пресс, 2005. – Б. 85.