XIX ғасырдың 50-60 жылдарындағы тарих және сәулет ескерткіші.

Орналасқан жері: Семей қаласы, Красноармейская көшесі, 108 үй.

Бұл медреседе 1855-59 жылдары қазақ халқының болашақ ақыны мен ағартушысы Абай Құнанбаев оқыған. Медресенің кітапханасынан Абай музейіне Абай оқыған және зерттеген парсы, түрік, шағатай, араб тілдеріндегі көптеген кітаптар тапсырылған.

Бұл ғимарат көп жылдар бойы тұрғын үй ретінде пайдаланылған. Медресе ғимаратымен қатар тұрған мешіт 1949 жылы өртеніп кеткен. Медресе ғимараты мен оның төбесі ағаштан салынған.

Тағаны кірпіш. Медресе тоғыз бөлмеден тұрады, ғимараттың жалпы алаңы 928 шаршы метр. Сәулет, живопись тұрғысынан алғанда ерекше композициялық ерекшеліктері жоқ.

Әдебиет:

Шығыс Қазақстан облысы сәулет және монументальды ескерткіштерінің тізбесі [Мәтін] = Свод архитектурных и монументальных памятников Восточно-Казахстанской области. - Өскемен : Альфа-Пресс, 2005. – Б. 78.