XIX ғасырдың ортасындағы сәулет ескерткіші.

Орналасқан жері: Семей қаласы, Ибраев көшесі, 153.

Ғимаратты келген қонақтар тоқтайтын жер ретінде бай көпес салдырған. Кейбір байырғы тұрғындардың айтуынша, бұл үйде қазақтың ұлы ғалымы Шоқан Уәлиханов, Абай Құнанбаев секілді атақты адамдар болған.

Бай көпестің қонақ үй нөмірлері ғимараты XIX ғасырда саман кірпіштен салынған, кейін оған сылақ жүргізілген. Пайдаланылған жылдар ішінде ғимараттың көптеген сәулеттік және декоративтік элементтері жойылып кеткен. Соған қарамастан бүтіндей алғанда ғимарат өзінің сәулеттік келбеті мен мәнінен айрылмаған. Ғимарат тарихи ортаны сақтау орайында үлкен құндылыққа ие және қоғамдық сәулет ескерткіші болып табылады.

Әдебиет:

Шығыс Қазақстан облысы сәулет және монументальды ескерткіштерінің тізбесі [Мәтін] = Свод архитектурных и монументальных памятников Восточно-Казахстанской области. - Өскемен : Альфа-Пресс, 2005. – Б. 90.