Балалар және жасөспірімдер кітапханасында №34 мектептің 3 сынып оқушыларының қатысуымен «Кітап – өркениеттің елшісі» атты ертеңгілік өткізілді.
05.04.2017 16:58

Шара басында кітапхана қызметкері жыл сайын әлем елдерінде 2 сәуір ұлы ертегіші Г.Х.Андерсеннің туған күніне орай Халықаралық балалар кітабы күнінің дәстүрлі аталып өтілетіні туралы ақпарат берді. Өз сөзінде: «Кітап арқылы өткенге саяхат жасап, шытырман оқиғалардың ортасында боламыз. Ол өзімізді нағыз батыр сезінуге мүмкіндік береді», - деп атап өтті. Андерсеннің шығармашылығы туралы әңгімелей келе, халық даналығын, ауыз әдебиетін сіңдірген оның ертегілері мен хикаяларының адам санасын оятудағы маңызын түсіндірді. Елдің, халықтың салт-дәстүрін, жақсы түсіну үшін жазушының шығармашылығын білу өте маңызды екенін балалардың естріне салды.

 

3 4 5

 

Ертеңгілік слайд тұсаукесерінің көрсетілімімен қатар ұсынылған ертегі кейіпкерлерінен викториналық ойындарымен жалғасты. Бұдан әрі қатысушылар «Кітап театры» ұйымдастырған «Үйшік», «Шалқан» ертегілері бойынша театрландырылған көріністі көріп тамашалады.

Шара қаламыздың Орталық саябағының вокал студиясының балалары және «Жас жұлдыз» балалар орталығы өнерпаздарының мерекелік концертімен жалғасты. Мереке қонақтары - ата-аналар, ұстаздар өздерінің жылы лебіздерін білдіріп, алғыстарын айтты.

Шара соңында «Кітап мерекесі», «Ертегілер әлемінде» атты көрмелерге қойылған әдебиеттерге библиографиялық шолу жасалды.