№12 кітапхана-бөлімшесінде «Негеш» клубы аясында №30 мектептің 4 сынып оқушыларымен «Х.Г. Андерсеннің ертегілері арқылы дат жерлеріне әдеби круиз» атты клуб отырысы өтті.
05.04.2017 16:51

Шара кітапхана қызметкерінің қатысушыларды Халықаралық балалар кітабы күнімен құттықтауынан басталды. Бұдан әрі жазушының өмірі және шығармашылығы туралы ақпарат берді. Балаларға жыл сайын Г.Х. Андерсеннің туған күнінде мерекеленіп өтетін Халықаралық балалар кітабы күні туралы әңгімелеп, Г.Х.Андерсеннің ертегілері арқылы дат жерлеріне әдеби круиз жасауға шақырды.

Шара барысында оқушылар екі топқа бөлінді. Круиз бой жазумен басталып, әр топтан шыққан қатысушының Дания туралы айтқан әңгімелерімен жалғасты. «Әдеби ертегі серпантині» атты екінші сайыста топтар ертегінің кішкентай үзіндісі және кейіпкердің сипаттамасы бойынша ертегінің атын анықтады.

Келесі кезектегі капитандар сайысында жауаптарының жылдамдығы мен нақтылығы ескерілді. Сондай-ақ, Андерсен ертегілерінің иллюстрациялары бойынша, топтар оның қай ертегісі екенін анықтады. Круиздің қорытындысы бойынша жеңімпаз топ анықталды.

 

1 2

 

Кітапханашы шараны қорытындылай келе, Данияның ұлы жазушысының ертегілерімен өспеген ұрпақтың кемде-кем екенін айтып, оның ертегілерінің шын мәнісінде ғажап, және балаларға, ересектерге жақын, түсінікті болып келетінін атап өтті. Онда бір ғажайып және сиқыр бар, бірақ, нәтижесін шешетін басты адами қасиеттер: мейірімділік, махаббат, достық, ерлік екенін түсіндірді.

Шара соңында «Ресей – Қазақстан. Шекарасыз ашық оқу» атты жобасы бойынша «Кітап кейіпкерлерімен бірге» атты көрмеге Ленинград облысы үкіметінің қаржыландыру бағдарламасы бойынша жаңа кітаптар қойылып, шолу жасалды.