Бас мәзір

«Семей» — көне түрік сөзі дегенге саяды. Қазақ халқының тарихи - рухани, мәдени дамуында Семей қаласының атқаратын ролі орасан зор. Семей әдебиет, өнер және ғылым қайраткер саңлақтарының отаны болған қала. Бұл қасиетті жер Ұлы ақын, ойшыл Абай Құнанбаевты, кемеңгер философ Шәкәрім Құдайбердиевті, әлемдік әдебиет қайраткері Мұхтар Әуезовты әлемге танытты. Қаланың мәдени ошақтары, кәсіби театрлар, кітапханалар мен мұражайлардың барымен және тарихи, мәдени ескерткіштермен анықталады. Семейде Қазақстандағы ең алғаш қоғамдық мұражай мен кітапханалар ашылды.

Кітапхана оқырман үшін үлкен тәрбие мектебі, сансыз сұрақтардың жауабын табуға болатын сиқырлы да киелі орда. Мәдениет пен өнер ұлы болмайынша, ұлт ұлы болмайды дегендей, егеменді мемлекетіміздің болашағы жастардың мәдени танымдық қабілетін қалыптастыратын мәдени ортаның бірі кітапхана қазіргі таңда да ғылыми-ақпараттық, мәдени-ағартушылық және білім ошағы болып табылатынын бүгінде білмейтін адам кемде кем.